एसिसी यु–१६ क्रिकेटः मलेसियालाई हराउँदै नेपाल च्याम्पियन

काठमाडौँ, भदौ ४– आयोजक राष्ट्र मलेसियालाई ३२ रनले पराजित गर्दै नेपाल एसीसी यु – १६ प्रिमियर लिग क्रिकेट प्रतियोगिताको च्याम्पियन बनेको छ ।

नेपालले यो पटक उपाघिी मात्रै जितेन अघिल्ल्ो संकरणमा भोगेको हारको पनि बदला लिएको छ ।अघिल्लो संस्करण सन् २०१२ मा भएको एसिसी यु-१६ प्रिमियर लिग क्रिकेटमा मलेसियाले नेपाललाई पराजित गर्दै उपाधिमाथि कब्जा जमाएको थियो । त्यस्तै नेपाल सन् २०१० मा भएको सो प्रतियोगितामा पनि नेपाल उपविजेता बन्दै घर फकिएको थियो । उक्त उमेर समूहमा नेपालले अहिलेसम्म उपाधि जित्न सकेको थिएन ।

मलेसियास्थित किनारा ओभल मैदानमा बुधबार भएको खेलमा १ सय ६२ रनको लक्ष्य पछ्याएको मलेसिया ३६ दशमलब २ ओभरमा १ सय २९ रन बनाउँदा अल आउट भयो ।

टस हारेर पहिले ब्याटिङ गरेको नेपालले निर्धारित ४० ओभरमा ९ विकेट गुमाएर १ सय ६१ रन जोडेको थियो । नेपालका पवन सर्राफले ४४, रवि चन्दले ३४ रनको योगदान गरे ।

५ खेल खेलेको नेपाल सबै खेलमा अपराजित रहँदै आयो , पहिलो खेलमा स्पष्ट नतिजा ल्याएको तथा मलेसिया र बहराइनबीचको पहिलो खेल वर्षाको कारण रद्द भएपछि मलेसियाले बहराइनसँग एक-एक अङ्क बाँडेको थियो ।

यसअघिक चार खेलमा नेपालले पहिलो खेल थाइल्यान्डलाई १० विकेट, दोस्रो खेल सिङ्गापुरलाई ४९ रन, तेस्रो खेल ओमनलाई १०२ रन र चौथो खेल बहराइनलाई १८६ रनको फराकिलो अन्तरले पराजित गरेको थियो ।

Source: http://www.ratopati.com/2014/08/20/160623.html